სპორტის კვლევა : კითხვარის შუალედური შედეგები

სპორტის სხვადასხვა მიმართულების განვითარებისა და სფეროში არსებული პრობლემების შესახებ საზოგადოებრივი აზრის შესასწავლად კულტურისა და სპორტის სამინისტრომ შეიმუშავა კითხვარი, რომელიც 2018 წლის 28 მაისიდან გავრცელდა სოციალური ქსელებითა და სხვა ინტერნეტ-საშუალებებით. რაოდენობრივი კვლევის პროცესი 2018 წლის სექტემბრამდე გაგრძელდება. კვლევაში მონაწილეობას შემთხვევითი პრინციპით არჩეული რესპონდენტები იღებენ.

2018 წლის 7 ივნისის მონაცემებით, საქართველოს კულტურისა და სპორტის სამინისტროს მიერ მომზადებული კითხვარი სპორტის შესახებ 348 ადამიანმა შეავსო.

აღსანიშნავია, რომ შუალედური შედეგების მიხედვით, კითხვარის რესპოდენტთა 14% სამოყვარულო სპორტული სექციის წევრია, სპორტში არაორგანიზებული ფორმით (კვირაში 4 საათზე ნაკლები) ჩართულია გამოკითხულთა 26%, პროფესიულ დონეზე ჩართულია რესპოდენტთა 10%, რესპოდენტთა 14% კი ძალიან იშვიათადაა სპორტში ჩართული. სპორტულ აქტივობაში ჩართული არ არის რესპოდენტთა 36%. 

იხილეთ კვლევის შუალედური შედეგები

შეავსეთ კითხვარი